Имрӯз бо иштироки директори Институти забон ва адабиёти ба номи Рӯдакии АМИТ Шарифзода Фарангис ҷаласаи Гурӯҳи кории таҳияи матни комили «Шоҳнома»-и Абулқосим Фирдавсӣ баргузор гардид. Фарангис Шарифзода аз ҷараёни кори таҳриру тасҳеҳи матни «Шоҳнома» иттилоъ дода, афзуданд, ки дар кори таҳрири матн матншиносон ва мутахассисони адабиёти классикӣ аз Институт, аз донишгоҳҳои ҷумҳурӣ, Иттифоқи нависандагон, Кумитаи забон ва истилоҳоти назди Ҳукумати Ҷумҳурии Тоҷикистон ҷалб гардида буданд. Дар ҳоли ҳозир даҳ ҷилд аз таҳрир баромада, дар дасти мусаҳҳеҳон барои бозхонӣ ва таҳрири забонӣ қарор дорад.